Nisret Krasniqi është një këngëtar shumë i talentuar i këngëve me tematikë fetare e sociale, i mirënjohur në mbarë trojet shqiptare dhe diasporë. Ai për herë të parë u prezantua para ndjekësve të tij në vitin 2015 me ilahinë e titulluar “ PASANIK E FUKARA “ e cila u prit mjaft mirë dhe pati një shikueshmëri goxha të madhe. Veprimtaria e tij është mjaft e pasur. Prej ilahive të tijë mund të përmendim : “ G’ZOHU TI O MUSLIMAN “, “ KUSH ËSHTË AI QË SYTË TI DHA “ , “ MALLI PËR NËNËN “ , “ OJ KIBLA JEM “ , “ DORA E PUNËTORIT” , “ JETIM E FUKARA “ etj…
Vitin që lam pas, 2020, Nisret Krasniqi pati një bashkpunim me kënduesin e mirënjohur të ilahive Adem Ramadanin, me të cilin realizuan një ilahi shumë të veçantë për nga tematika dhe duke u ofruar fansave një videoklip fantastik me të cilin arritën të sensibilizojnë dhe të prekin zemrat e gjthë shqiptarëve por edhe të popujve tjerë. Se ishte një projekt i qëlluar dhe i mirëpritur ILAHIA “ NJË PIKË UJË “ , tregon vetë shikueshmëria e tij që për afersisht 4 muaj është klikuar mbi 5 milion herë, gjë që rriti edhe më shumë popullaritetin dhe famën e Nisret Krasniqit.
Vitin 2020 ai e përmbylli edhe me një ilahi shumë të bukur të titulluar “ TAKIMI ME ZOTIN “ e cila gjithashtu u prit shumë mirë nga ndjekësit e tij.
Vlen të theksohet se Nisret Krasniqi bashkëpunon me më të mirët në produksionin e ilahive siq janë: Amr Akad, Kerim Abd El Wahab, Muhamed Bashir, Zyad Saif, Selçuk Šahin etj.
Është i lindur më 10 Prill 1989 në Rahovec të Kosovës. Kur ai ishte vetëm 5 vjeç, familja e tij emigron në Zvicër ku dhe tash jeton e punon si menaxher i ndërtimit. Është i martuar, baba i dy fëmijëve.